ئیمڕۆ 21/5/2025، هونەرمەندی گەورەی گەلەکەمان، بەڕێز كاک بەهجەت یەحیا، سەردانی "ئینستیتیوتی زەینەب خان"ـی کرد. لە میانەی مێزگردێکی تایبەتدا، باسمان لە کۆمەڵێک پڕۆژەی گرنگ کرد، هەروەها تیشک خرایە سەر پرسی گرنگی کلتوورناسی و هونەری ڕەسەن. کاک بەهجەت، جەختی لەسەر گرنگیی کردنەوەی ئەم جۆرە دامەزراوانە کردەوە، کە ڕۆڵیان لە بەرزكردنەوەی هۆشیاریی و ناساندنی کلتوور و هونەری نەتەوەییمان هەیە. ئەم سەردانە لە چوارچێوەی ئەو هەوڵانەدایە کە بۆ پەرەپێدانی کاری کلتووریی و هونەری ڕەسەن لە ناوچەکەدا دەدرێن، کە بێگومان دەبێتە هۆی گەشەکردنی زیاتری پرۆژەكانمان لە داهاتوودا.