لە ڕێکكەوتی 2025/6/25 دا شاندێکی باڵای دامەزراوەی کەریمی عەلەکە، سەردانی بنکەی ئینستیتیوتی “زەینەب خان”یان كرد لە شاری کۆیە. ئەم سەردانە بەمەبەستی واژۆکردنی یاداشتنامەی لێکتێگەیشتن بوو، بۆ ئەنجامدانی کاری هاوبەش و چالاکیی پێكەوەییی ئەدەبی و ڕۆشنبیری. دامەزراوەی کەریمی عەلەکە گرنگی بە پرسە ڕۆشنبیری و کلتوورییەکان دەدات، لەم بوارەدا خزمەتێکی باشی کلتووری نەتەوەیی کردووە. ئەم هاوبەشیی کارکردن و یاداشتنامەیە مایەی خۆشحاڵی هەردوولایە و هەنگاوێکی گرنگە بۆ بەرەوپێشخستنی کاری کلتووری و ڕۆشنبیری، لە كوردستاندا.