پێش نیوەرۆی رۆژی چوارشەممە، ڕێككەوتی 30-6-2025 پێشوازیمان كرد لە بەرێز كاك (كەیفی مستەفا) بەڕێوەبەری گشتیی شوێنەوار و كەلەپووریی هەولێر و شاندی یاوەری ، لەگەڵ بەرێز كاك (یەكێتی عەبدولواحید) بەڕێوەبەری فەرمانگەی شوێنەواری كۆیە و هاوكارانی . بە ناوی دەستەی کارگێڕی ئینستیتیوتی زەینەب خان- ەوە سوپاس و پێزانینی خۆمان دەردەبڕین بۆ هاتن و پشگیریی دڵسۆزانەیان. لە میانی دانیشتنەکەدا، باس لە گرنگی پرسی کلتوور و شوێنەوارە دێرینەکان کرا، ڕۆڵی بەرچاوی ئەم میراتە دەوڵەمەندە، لە مەسەلەی دووبارە ژیان پێدانەوە و پەرەپێدانی کۆمەڵگە و هۆشیاریی كلتووریدا، وەك بەشێكی سەرەكی كار و چالاكییەكانی هەردوولا گفتۆگۆ كرا. زۆر سوپاسی دڵسۆزی و پشگیریی بەرێزیان دەكەین . دەستەی کارگێڕی ئینستیتیوتی زەینەب خان