سەردانیكردنی دۆستانە، رۆژی 24/9/2025 ئینستیتیوتی زەینەب خان، پێشوازی كرد لە پرۆفیسۆر ئەلێكساندەر و ستافێكی شوێنەروارناسی ئەڵمانی (زانكۆی ماینز)، لە میانی سەردانیكردنەكەدا باس لە گرنگی هەبوونی دامەزراوەیەكی مەدەنی و ئەكادیمی و كلتووری وەك ئینستیتیوتی زەینەب خان كرا، میوانان خۆشحاڵی خۆیان دەربڕی بەرامبەر ئەم گرنگیدانە كلتووری و مێژووییەی لە شارەكەدا هەیە. هەروەها باس لە گرنگی ئەم شوێنەوارانە كرا، كە لە شاری كۆیە و دەوروبەری كۆیە، تیمەكەیان كاری تێدادەكەن و مێژووەكەی بۆ زیاتر لە سێ هەزار و چوارسەد ساڵ بەر لە ئێستا دەگەڕێتەوە، ئەم پشکنینانە بەڵگەی زانستی گرنگ دەخەنە بەردەست و، ئەوە پشتڕاستدەكەنەوە،کە كوردستان بە گشتی و وراتی كۆیە بەتایبەتی، لە دێرزەمانەوە، لانكەی مرۆڤایەتی و شارستانییەتی كۆن بووە.